Si ta interesa pa sa mas di Genero y e complehidad di esaki, aki tin un video di un comediante cu ta splica esaki den un forma humoristico. (Na ingles).

Understading the complexities of gender

TedX Talk di Sam Killerman (it’s pronounced Metrosexual) over di genero.

Sam Killermann ta un comediante y activista pa husticia social. Y e ta tras di e one-man comedy show jama It's pronounced Metrosexual. Y e ta blog riba thema nan di judgments, identidad y opresion. (pero den un manera pret)

LGBTQI+

LGBTQI+ ta wordo uza pa referi na persona nan gay / homosexual, lesbiana, bisexual, transgenero, queer y intersexual colectivamente.

HETEROSEXUAL / STRAIGHT

Un persona atrai sexualmente of romanticamente exclusivamente na personanan di e otro sexo.

LESBIANA

Un hende muhe atrai sexualmente of romanticamente exclusivamente na un persona di e mesun sexo. Pues na un otro hende muhe. Y ta indentfica su mes como miembro di e comunidad lesbiana.

HOMOSEXUAL / GAY

Un hende homber atrai sexualmente of romanticamente exclusivamente na un persona di e mesun sexo. Y ta indentfica su mes como miembro di e comunidad gay. E palabra gay ta tipicamente asocia cu hende homber.

BISEXUAL

Un persona cu tin e potencial di ta atrai sexualmente of romanticamente na personanan di e otro sexo y tambe na personanan di e mesun sexo. Esaki no ta necesariamente na e mesun momento y tampoco necesariamente na e mesun manera. Tin persona cu por experencia e atracion aki na diferente manera y of na diferente momento. Un persona bisexual no mester tin experiencia sexual pa por considera su mesun un bisexual.

TRANSGENERO

Esaki ta un terminologia general pa esnan cu tin e exprecion y of e identidad di un genero cu no ta mescos cu sexo cu e la nace cu n’e of a wordo asigna na dje.

Un persona bou di e capa di transgenero por discribi su mes usando diferente terminologia manera transgenero of no binario.

Un dokter por receta hormoon na un persona transgenero pa asina alinia su curpa cu e indentidad di genero cu e tin.  Algun persona transgenero ta haci operacion. Pero no ta tur persona transgenero por, of ta desea di haci esaki. Y un identidad transgenero no ta depende di e aparencia fisico ni tampoco di e operacion.

No ta tur ora un persona trangenero por haci e cambio di sexo fisicamente.

QUEER

Denotatando of relata na orientacion sexual of identidad di genero cu no ta correspondi na e ideanan estableci di sexualidad, genero, especialmente normanan hetrosexual.

Esaki ta inclui e personanan cu tin e identidad no binario, gender fluid of e genero non conforming. Pues un persona Queer por ta un persona Homosexual, of un persona bisexual tambe.

‘QUESTIONING’

E Q den LGBTQI+ tambe por referi na e QUESTIONING. Esaki ta esnan cu ta cuestiona nan orientacion sexual of identidad di genero. Y pa un motibo of otro no ta cla, por, of ta desea di kies un orientacion sexual of identidad di genero.

INTERSEXUAL

Un persona cu un of mas caracteristica sexual desde nacemento, incluyendo genital, organo reproductivo interno y chromosoom.

No confundi intersexual pa un transgenero. Personanan intersexual mayoria biaha ta ser asigna un sexo na nacemento, sea masculino of femenino. E desicion aki di dokter y mayornan por ta fout y no ta cuadra despues cu e identidad di genero cu e persona tin.

No tur persona intersexual ta identifica nan mes como parti di e sociedad LGBTQI+.

ASEXUAL

Un persona cu ta experiencia tiki of niun atracion sexual pa un otro persona. E persona aki sa focus mas riba nan atracion romantico, emocional y spiritual pa un otro persona.

NO BINARIO

No Binario ta un identidad cu no ta conforme cu e dos generonan estableci. Ta generalmente usa pa personanan cu no ta identifica nan mes strictamente como masculino of femenino. Y tin biaha ta identifica nan mes como un genero in between, of un tercer genero, of ta identifica su mes cu mas cu un genero, of tin un genero cu ta keda cambia cu tempo. (genderfluid)

PAN SEXUAL

Un persona cu ta sinti atracion na cualkier persona, incluyendo e personan cu no ta identifica nan mes como un genero specifico. Un persona pansexual por discribi su atracion como un atracion di personalidad y no un atracion di genero.